Navenda Nûçeyan – Kampanyaya Azadiya ji bo Werîşe Muradî îro nameya ku Werîşe Muradî li girtîgeha Evînê ya tê girtin nivîsand weşand. Hat diyarkirin ku name di meha Sibatê de hatiye nivîsandin lê belê ji ber ku bi mehan li Îranê înternetê birandiye piştî mehan hat weşandin.

Werîşe Muradî ji bo zaroka bi navê Tesnîm a zaroka girtiya bi navê Nesîme Îslamzehî ya jinek Belûc e û cezayê darvekirinê lê hatiye birîn, li girtîgehê hatiye dinyayê, bi dayîka xwe li girtîgeha Evînê tê girtin nivîsand.

Werîşe Muradî wiha gotiye:

“Zor e, mayîna li ba zarokek ku

beriya çavên xwe veke

dîwarê dîbîne

Girtî bû

Hesin bû

Hucre bû

Hê navika wê nehatibû birîn, dengê girtina derî nas kir

Zaroka ku bûye dusalî

Li cihê mûman vemirîne gardiyanan dihêjmêre

Zor e bi halê xwe yê herî biçûk û bêguneh

Divê pirsê de were veşartin:

“Tê biçî  hevdîtinê?”

Weke ku hemû dinya

Çend kêliyên pişt wê camê be

Zor e, dema ku dîmenê bavê wê di televîzyonê de derdikeve

Bi çavên grover ku mirinê nizane tenê

Bêje ‘mam’

û dinya wê kêliyê peyvekê

Heta dawiyê sêwî bihêle

Zor e, gelek zor e dema yek tê berdan

Bi kêfxweşiyek ku hê tama êşê nizane,

Bibêje “ka em jê re strana azadiyê bibêjin”

Û nizane ku azadî

Ji bo hinekan ne derî vedike ne jî esîman xuya dikin

Zor e cilên wê teng bibe

Bejna wê bilind bibe

Mezin bibe

Û wêneyên mezinbûna Tesnîm tunebin

Zor e zarokbûn

Dest navêje lîstokan

Bêyî ax bigihîje pêlava wê

Bêyî di nava kenên zarokan de nebeze

Nekeve û dîsa ranebe

Zor e zarokek beriya dinyayê nas bike

Bêedaletiyê fêr bibe

Dengê destpêkê yê naskirî

Êrîşa be

Û ya herî zor jî ev pirse

Ya weke hesinek di sing de disekine:

Dê kîjan wijdan bersiv bide

Zarokatiya ku hatiye dizîn.”

Bi destpêkirina şerê li Îranê re, di demek ku fikarên der barê rewşa girtiyên siyasî de zêde bûne hat weşandin. Girtiya siyasî ya ku zêdeyî 50 rojan e cezayê darvekirinê lê hatiye birîn û der barê girtiyên din de tu agahî tune ye.

Li Îranê zêdebûna darvekirinan bi şer re zêdetir û lezgîntir bûye, bi taybetî der barê rewşa girtiyên siyasî ku cezayê darvekirinê li wan hatiye birîn de rê li ber fikarên cidî vedike.