Mereş – Erdheja ku di 6’ê Sibatê li Mereşê pêkhat, bû sedemê gelek ziyanên canî û madî, hevgirtina dilxwazan jî mezin dibe. Li mala gund ya Hasankoca ku li bajarokê Bazarcixê ji aliyê Tevgera Jinên Azad (TJA) ve ji derveyî çadirên pêdawistiyên jinan, li qada kombûnê ‘kona jiyanê’ ava kirin. Di kona jiyanê de jin dikarin bêhna xwe bidin û sohbet bikin û di heman demê de wê ji bo jin û zarokan alîkariya derûnî were dayîn.

Banga hevgirtinê

Endama TJA Saliha Ayata bi dirûşmeya ‘Jin Jiyan Azadî’ bang li jinan kir û wiha got: “Ev 10 roj e em li vê derê ne, me ji bo jinan qada jiyanê ava kir. Niha jî me ji bo jinan qadek vekir, em li benda hevgirtinê ne. Jin Jiyan Azadî.”