Cezayîr – Piştî êrîşa li ser mamosteyên jin li wîlayeta Edrar, Sendîkayên Perwerdeyê çalakiyeke protestoyî li pêş navenda wîlayetê organîze kirin û karmendên perwerdeyê ji herêmên cuda yên wîlayetê tevli bûn. Zêdetirî 150 mamosteyên jin tevli vê çalakiyê bûn. 

Hacir Tenah ku yek ji mamosteyên tevli protestoyê bû, wiha got: "Em ji bo şermezarkirina êrîşa li ser mamosteyên Edrar derketine. Em wekî mamosteyê wîlayeta Edrar daxwaza qanûneke ku parastina mamosteyan bike, dikin."

Di xwepêşandanê de, xwepêşanderan dirûşmên şermezarkirina rewşa zehmet a mamosteyên Edrar, hildan. Welatiyên ji civaka sivîl jî tevli xwepêşandanê bûn û bi tundî ev bûyer şermezar kirin û pankartên ku li ser wan nivîsa "Tecawiza li dijî mamosteyên jin, tecawiza li dijî hemû nirxên azad ên Cezayîrê ye" hildan.