Kabîl- Li paytexta Afganistan Kabîlê, komeke jinên ku li dijî kiryarên Talîbanê derketibûn kolanan û çalakiya protestoyî li dar dixistin rastî êrîşê hatin her wiha rojnamgerên ku çalakiyê dişopandin jî bûn hedefa şîdeta Talîbanê. Jinan li navenda bajêr li bo parastina mafên perwerde û xebatê çalakî li dar xistin û bi pankarta bi nivîsa “Mafê me yê xebatê tune ye” vekirin û dirûşmên “Em bêkarî, xizanî û birçîbûyînê napejirînin” avêtin. Talîbanê jinan hişyar kir ku belav bibin, ji ber ku belav nebin êrîşê çalakgeran kir û rojnameger jî bûn hedefa êrîşan. Rojnameger bi lêdana bi qevdên çekan, pehîn û kulman rastî şîdetê hatin û bi mirinê hatin tehdîtkirin.