Navenda Nûçeyan – Li gorî rêxistinên mafên mirovan, sê welatiyên Behayî yên ji Refsencanê, Beşrî Mostafavî, Nahid Naîmî (Elena) û Dîdar Ehmedî, îro piştî ku ji bo yekîneya îdamê hatin gazîkirin şûnde hatin girtin. Piştre sê jin ji bo Girtîgeha Navendî ya Kermanê hatin veguhastin.

Berê, her sê jinan ji aliyê Dadgeha Îstînafê ya 7’emîn a Parêzgeha Kermanê ve çar meh cezayê girtîgehê wergirtibûn. Tawana li dijî wan "propagandaya li dijî rejîmê" bû. Lêbelê, Dadgeha Cezayê ya 3’yemîn a Refsencanê berê ji ber nebûna delîlan wan beraet kiribû, lê ev biryar piştî îtîrazê ji aliyê dozgeriyê ve di îtîrazê de hate betalkirin.

Çavkaniyên nêzî dozê diyar kirin ku pêvajoya darizandinê bi nêzîkatiyek cudakar hatiye meşandin û dadwer baweriyên olî yên bersûcan wekî mijara darizandinê bi kar aniye. Ev rewş îdiayên zexta sîstematîk û cudakariya li ser bingeha baweriyê ya li dijî welatiyên Behayî dîsa aniye rojevê.

Di demên dawî de li Îranê pêla binçavkirinan zêdebûye. Gelek kes li bajarên cuda hatine binçavkirin û rapor destnîşan dikin ku çalakvanên civaka sivîl, rojnamevan û welatiyên ji komên olî û etnîkî yên cuda jî bûne hedef.