Şehba- Rêxistina Sara ya Têkoşîna li Dijî Tundiya Li Ser Jin a Efrîn-Şehba li dijî kiryarên ser jin û bûyera dawî ya qetilkirina jinek Efrînî, daxuyanî da. Daxuyanî li parka navçeya Ehdas a kantona Şehbayê bi beşdarbûna Kongra Star, şêniyên navçeyê hat dayîn.

Di daxuyaniyê de pankartên bi nivîsa "Jin, Jiyan, Azadî","Na ji qetilkirina jinan re" hatin rakriin. 

Daxuaynî ji aliyê mamoste Bêrîvan Elo ve hate xwendin. Bêrîvan Elo got: "Bi nêzîkbûna salvegera êrîşên li Efrînê, li ser jinan, êrîş zêde dibin. Qetilkirin, revandin, destavêtin û tewanên din li ber çavên mirovahiyê li Efrînê rojane tên kirin. Armanc bi wê tunekirina gelê Kurd e û bicihkirina malbatên ji derveyî Efrînê ye. Rêxistina Mafên Mirovan a Efrînê agahiyên li ser deh jinên girtî di girtîgeha dagirkeriyê de ne çend roj berê parve kir."

‘Ji ber bêdengiya cîhanê li Efrînê bûyerên hovane zêde dibin’

Bêrîvan Elo behsa bûyera qetilkirina jineke li Efrînê kir û got: "Di 14'ê Çileya 2024'an de yek ji çeteyên faşîst ên tirk jineke Kurd a bi navê Gulê Fîrancî ya ku ji bajarê Efrînê ye bi lêdana wesayîdekê qetil kir. Ew jin ji navçeya Recoyê bû, temenê wê nêzî 77 salî ye. Ev bûyer li gundê Yûl Çitê yê girêdayî bajarokê Meydan Ekbezê qewimiye. Ne ya yekem e û ne jî ya dawî ye. Bûyerên wiha li Efrînê rojane diqewimin û kiryar ji ber bêdengiya cîhanî zêde dibin."

Bêrîvan Elo banga rawestandina kiriyaran li Efrînê kir û wiha daxuaynî dawî kir: "Ji ber vê yekê em bi navê Rêxistina Sara ya Têkoşîna li dijî Tundiya li Ser Jinan li Efrîn û kantona Şehbayê van tewanên li dijî jin û zarokan tên kirin, şermezar dikin. Em bang li hemû rêxistinên navneteweyî û mafên mirovan dikin, ku bi lezgînî destwerdanê bikin û li gorî peymanên navneteweyî ji wan hesab bibirsin."