Li Sûra Amedê belavokên der barê mafê xwegihandina saziyên pêwendîdar ji bo jinan hatin belavkirin, ji bo jinan li hemberî rewşa awarte hejmarên telefonên ji bo pêwendiyê jî hatin dayîn. 

Amed – Di çarçoveya Hefteya Mafên Mirovan de endamên Baroya Amedê, Şaxa Komeleya Mafên Mirovan (ÎHD), Weqfa Mafên Mirovan a Tirkiyeyê (TÎHV) Odeya Bijîjkan a Amedê û Komeleya Jinan a Rosayê, belavokên bi sernavê "Mafê Xwegihandina Jinan a Edaletê" belav kirin.

Jinan li kolanên Sûrê belavokan belav kirin. Jinên li kolanan eleqeyeke mezin nîşanî belavokan dan û li ser van belavokan nivîsên; mafên jinan, tundiya li ser jinan û peymana Stenbolê nivîsandîbûn. Jinan ji kesên ku belavok dan wan re gotin ku di rewşeke lezgîn de dikarin xwe bigihîjînin wan û reqema xwe dan wan .