Navenda Nûçeyan – Merasîma danasîna du pirtûkên helbestê yên helbestvana Kurd Sirwa Muradî yên bi navê "Ez nikarim bê tê tehemûl bikim” û "Yê ku êşê berhev dike", bi beşdarbûna kesayetên çandî, helbestvan û dilxwazên wêjeyê li bajarê Paveyê ya li herêma Hewraman a Kirmanşanê hate lidarxistin. Di merasîmê de ji bilî danasîna berhemên nû yên helbestvan, rola jinan a di pêşxistina helbest, wêje û çanda Kurdî de hate tekez kirin.

Merasîma ku bi beşdariyek mezin a jin û mêrên ku cil û bergên xwe yên gelêrî û rengîn ên Kurdî li xwe kiribûn pêk hat. Çalakiya danasîna pîrtûkan nasnameya çandî ya Hewramanê dîtbarî kir û çalakî veguherand pîrozbahiyek çand, ziman û wêjeya Kurdî.

‘Helbestvanên jin îlham didin civaka Kurd’

Eşter Rizaî, di axaftina xwe de weşandina her du pirtûkan pîroz kir û got: "Ez hêvî dikim ku ev pirtûk xêr û berhemdar bin. Ez hêvî dikim ku hejmara jinên mîna Sirwa Muradî roj bi roj zêdetir bibe. Ji ber ku hebûna jinên bivî awayî ji bo jinan, civaka Kurd, Hewraman û bajarê Pave çavkaniya serbilindiyê ye."

Eşter Rizaî, axaftian xwe wiha domand: "Em gelek serbilindin ku jinên jêhatî û wêrek dikevin qadên helbest, huner û wêjeyê. Helbesta Hewraman û bi taybetî jî helbesta jinên Kurd, bi saya hewldanên vê jinê ji nû ve zindî bû. Sirwa Muradî, peyama jina Kurd, helbestvan, nivîskar û hunermendan zindî hişt û ji her kesî re gihand.”

Eşter Rizaî, di berdewamiya axaftina xwe de balkişand li ser rola jinan a di pêşeroja wêjeya Kurdî de û wiha axivî: "Ev pirtûk dikarin, hay jê hebûna jinên din zêde bikin û dikare bibe sedem ku jin bizanîn ne tenê ji bo karên rojane hatine afirandin. Jin û jinên ciwan, xwedî wê hêzê ne ku rêya helbestvan û nivîskarên roja me ya îro bidomînin û nehêlin ku çand û hunera Kurdî û bi taybetî hunera jinên Kurd bê jibîrkirin."

Eşter Rizaî, di dawiya axaftina xwe de spasiya organîzatorên çalakiyê kir û tekez kir ku divê ji bo piştgiriya nivîskar, helbestvan û hunermendên Kurd, bernameyên çandî yên bivî awayî bidomîn.

Banga piştgirî kirina helbestvan û nivîskarên jin

Danasîna du pirtûkên helbestan ên Sirwa Muradî, ne tenê pêşkêşkirina du berhemên wêjeyî bû, di heman demê de nîşanek hebûna jinan a her ku diçe di wêjeya Kurdî de xurttir dibe ye. Her wiha ev danasîn, mîna balkişandina li ser rola jinê ya di parastina ziman, çand û nasnameya Kurdistanê de hate nirxandin.

Beşdarvanên merasîmê, piştgirîkirina helbestvan û nivîskarên jin a ji bo zindîbûna berdewam a wêjeya Kurdî û veguhestina vê mîrateya çandî ya ji bo nifşên pêşerojê, mîna pêwîstiyek bingehîn dîtin.
 

Navenda Nûçeyan – Di encama êrîşa hewayî ya balafirên şer ên DYE’yê ya li dijî pirên Kahûrestan û Nîmekar ên li navçeya Hamîr a parêzgeha Hormozganê de, 3 jin û 2 jê zarok herî kêm 6 kes jiyana xwe ji dest dan. Di dîmenên ku ji aliyê çavkaniyên Mafên Mirovan ên Belûçistanê ve hatin weşandin de, tê dîtin ku di encama êrîşê de binesaziya veguhastinê zirar dîtiye. Li gorî çavkaniyên herêmî, du wesayît hatiye hedef girtin û di encama êrîşê de gelek kes jî birîndar bûye.

Tora Belgeyên Mafên Mirovan a Belûçistanê, ragihand ku Pira Kahûrestan a li navçeya Hamir a Hormozganê, şevê din di encama êrîşa hewayî ya balafirên şer ên DYE’yê de hatiye hilweşandin.

Li gorî nûçeyan, êrîşa hate kirin zirar daye hinek beşên rêya Bandar Abbas-Taziyan-Kahuristanê. Di dîmenên ku li ser tora dijîtal hatine parvekirin de pira hilweşiyayî û encamên êrîşê tê dîtin. Hate diyar kirin ku bûyer bandor li jiyana sivîlên herêmê jî dike.

3 jin û 2 jê zarok herî kêm 6 kes jiyana xwe ji dest da

Li gorî çavkaniyên herêmî û medyaya dewletê, di êrîşa hewayî ya li dijî pirên Giriye û Kahûristanê de, herî kêm 6 kes jiyana xwe ji dest dan û 9 kes jî birîndar bûn.

Hate ragihandin ku di êrîşa li ser pira gundê Nimekar ê navçeya Hamir de, 3 jê jin û 2 jê zarok herî kêm 6 kes jiyana xwe ji dest da. Li gorî çavkaniyên herêmî, du kesên ku di encama êrîşê de jiyana xwe ji dest dane ji heman malbatê ne û ji gundê Nîmekar in. Her wiha 3 jê jin 4 kes jî niştecihên herêma Roveyderê bûn.

Çavkaniyan, diyar kirin ku di dema êrîşê de her du wesayît jî hatine hedef girtin û kesên ku jiyana xwe ji dest dane rêwîtî dikirin.

Êrîşa li ser pirên Kahûrestan û Nîmekar, bûn sedema mirin û birîndarbûna sivîlan. Her wiha zirarên mezin da riyêk girîng ya veguhestinê û hilweşandina pir. Mirina jin û zarokan jî, fikarên li ser bandora mirovî ya şer li ser sivîlan zêde kir.

Navenda Nûçeyan – Di encama êrîşa hewayî ya balafirên şer ên DYE’yê ya li dijî pirên Kahûrestan û Nîmekar ên li navçeya Hamîr a parêzgeha Hormozganê de, 3 jin û 2 jê zarok herî kêm 6 kes jiyana xwe ji dest dan. Di dîmenên ku ji aliyê çavkaniyên Mafên Mirovan ên Belûçistanê ve hatin weşandin de, tê dîtin ku di encama êrîşê de binesaziya veguhastinê zirar dîtiye. Li gorî çavkaniyên herêmî, du wesayît hatiye hedef girtin û di encama êrîşê de gelek kes jî birîndar bûye.

Tora Belgeyên Mafên Mirovan a Belûçistanê, ragihand ku Pira Kahûrestan a li navçeya Hamir a Hormozganê, şevê din di encama êrîşa hewayî ya balafirên şer ên DYE’yê de hatiye hilweşandin.

Li gorî nûçeyan, êrîşa hate kirin zirar daye hinek beşên rêya Bandar Abbas-Taziyan-Kahuristanê. Di dîmenên ku li ser tora dijîtal hatine parvekirin de pira hilweşiyayî û encamên êrîşê tê dîtin. Hate diyar kirin ku bûyer bandor li jiyana sivîlên herêmê jî dike.

3 jin û 2 jê zarok herî kêm 6 kes jiyana xwe ji dest da

Li gorî çavkaniyên herêmî û medyaya dewletê, di êrîşa hewayî ya li dijî pirên Giriye û Kahûristanê de, herî kêm 6 kes jiyana xwe ji dest dan û 9 kes jî birîndar bûn.

Hate ragihandin ku di êrîşa li ser pira gundê Nimekar ê navçeya Hamir de, 3 jê jin û 2 jê zarok herî kêm 6 kes jiyana xwe ji dest da. Li gorî çavkaniyên herêmî, du kesên ku di encama êrîşê de jiyana xwe ji dest dane ji heman malbatê ne û ji gundê Nîmekar in. Her wiha 3 jê jin 4 kes jî niştecihên herêma Roveyderê bûn.

Çavkaniyan, diyar kirin ku di dema êrîşê de her du wesayît jî hatine hedef girtin û kesên ku jiyana xwe ji dest dane rêwîtî dikirin.

Êrîşa li ser pirên Kahûrestan û Nîmekar, bûn sedema mirin û birîndarbûna sivîlan. Her wiha zirarên mezin da riyêk girîng ya veguhestinê û hilweşandina pir. Mirina jin û zarokan jî, fikarên li ser bandora mirovî ya şer li ser sivîlan zêde kir.