Navenda Nûçeyan – Ragêşiya leşkerî û êrîşên artêşa Îsraîlê li ser deverên Lubnanê zêde dibin. Hemwextî êrîşan fikarên li ser berfirehbûna pevçûnan û bandora wan li ser sivîlan û binesaziyê zêdetir dibin.
Rêveberê Rêxistina Tenduristiyê ya Cîhanê piştrast kir ku êrîşên berdewam ên li ser sektora tenduristiyê li Lubnanê rê li ber şiyana wê ya dabînkirina pêdiviyên nifûsê û dabînkirina xizmetên bijîşkî yên bingehîn digire.

Rêxistinê her wiha destnîşan kir ku dê piştgiriya dabînkirina lênêrîna tenduristiyê bidomîne û banga rêzgirtina ji peymana agirbestê re kir.
Li gorî Ajansa Nûçeyan a Neteweyî, ji ber êrîşên hewayî yên Îsraîlê yên şeva borî û îro sibehê li ser bajarokê Meşgara yê li Bekaaya Rojava kirin armanc 12 kes hatin kuştin û hejmarek birîndar bûn. Ajansa Nûçeyan a Neteweyî destnîşan kir ku êrîşan piştî heşt êrîşên li pey hev, li dora bajêr xelekek agir çêkirine.

Îsarîlê êrîşên xwe yên li ser başûr û rojahilatê Lubnanê zêde kirin, her wiha hişyariyên valakirinê da. Tevî dirêjkirina agirbestê, Îsraîlê êrîşên xwe yên li ser binesaziyê berdewam kirin, mal û avahiyên niştecihên başûrê Lubnanê wêrankirin û hilweşand.