Navenda Nûçeyan- Zextên rejîma Îranê yên li ser çalakvan û Kurdan bê navber berdewam dikin. Ajansa Nûçeyan a Çalakvanên Mafên Mirovan a Îranê (HERANA) ragihand ku li gorî Encûmena Sendîkaya Mamostayên Îranê, mamostayek jin ji wezîfeya wê hatiye dûrxistin.

Çavkaniyê ragihand ku mamosta Ferîba Enamî li bajarê Gîlan cara duyem e ji aliyê Wezareta Perwerdeyê ya Îranê ve ji wezîfeya wê tê dûrxistin.

Hate gotin ku mamosta Ferîba beriya niha bi hinceta xwendevanan teşwîq kirine ku tevlî xwepêşandanan bibe, ji karê wê hatibû dûrxistin.

Hêjayî bi bîrxistinê ye di nava hefteyekê de zêdetirî 8 mamostayên Rojhilatê Kurdistanê ji wezîfeyên xwe hatine  dûrxistin.