Navenda Nûçeyan- Jinên ku pêşengiya serhildanên gel ên li Îran û Rojhilatê Kurdistanê dikin, dibin hedefa dewletê dene. Herî dawî aktîvîst Sakîna Barwana ji mala xwe ya li bajarê Quchanê hat binçavkirin û girtin.

Aktîvîst beriya niha bi îdiaya “Bi armanca xirakirina ewlehiya welat, endamtiya komên muxalîf” 5 sal cezayê girtîgehê lê hatibû birîn û 2 sal jî têkilîdanîna bi partiyên siyasî re hatibû qedexekirin. Sakîna Barwana ya ku hatibû girtin û piştî 4 salan, di 11'ê Sibatê de hat berdan, di 5'ê Nîsanê de ji nû ve hat girtin. Nayê zanîn ka Sakîne Barwana piştî hatiye girtin birine ku derê.