Navenda Nûçeyan – Gerînendeyê giştî yê nivîsgeha birêvebirina aloziyan a parzêgeha Sîstan-Belûçistan a Îranê ragihand ku îro toz û tolaz li 5 bajarên parêzgehê; Zabul, Zohak, Hemûn, Hermand û Nemroz rabû. Ji ber wê jî, 859 nexweş dil û nefesê, berê xwe dan nexweşxaneyan. Hîna 50 kes ji wan li nexweşxaneyê ne.

Li gorî daneyên saziyên hewayê, dê bahozên xurt û toz û tolaz li bakurê Sîstan-Belûçiştanê heta navîna hefteya bê rabin. Îhtîmal e ku toz zêde bibe û dîtin kêm bibe bi taybet li herêmên naverasta parzêgehê û başûrê wê. Her wiha hate gotin wê bahozên xurt li herêmên rojhilat û rojavayê parêzgehê jî rabin.