Navenda Nûçeyan- Komek aktivîstên jin ên Îspanyol, kampanayayek ya îmzeyê ji bo Dadgeha Ceza ya Navenetewî (UCM) muameleya Talîbanê li beramberî jin û zarokan weke ‘sûcek li dijî mirovî’ bi nav bike da destpêkirin.

Di çarçoveya kampanyayê de hezar îmze hate komkirin. Di nava ên ku îmze avêtin de rojnameger, parlementer, profesor, parêzer û di heman demê de jinên ku di komeleyên navnetewî de di xebitin hene. 

‘Mafê bingehîn ên jinên Efgan tê binpê kirin’

Di daxwaznameyê de wiha hate gotin: “Weke jinên li her cihê cîhanê, di qad û pîşeyên cûda de ku em xwedî gotin in, em matmayîne û ji bo piştevaniya ji bi jin û zarokên Efganistanê re em dixwazin dengê xwe bilind bikin.” Di daxwaznameyê de hate diyarkirin ku jinên Efganistanê rastî zext, tundî û tacîza ku mafê herî bingehîn ên jinan binpê dikin tên û dibin rejîma zextê dene û mûameleya Talîbanê li beramberî jinan li gora madeya 7’ a tuzîka Roma bi eşkere sûcê li dijî mirovahiyê ye û li ser daxwaza Raportorê NY divê weke cûdakariya zayendî were naskirin. Di daxwaznameyê de bang hate kirin ku divê Dadgeha Cezayê Navnetewî, mûameleya Talîbanê li beramberî jinan weke sûcê li dijî mirovahiyê bi nav bike û ji berpirsan hesab bixwaze. Bang li hikumeta Îspanyol û civaka navnetewî kir ku ji bo pêşîlêgirtina binpêkirina mafê jinên li Efganistanê dibin kontrola Talîban de bikevin tevgerê.