Navenda Nûçeyan – Namzetên sala 2023'an ên Xelata Saxarov a ku Parlamentoya Ewropayê (PE) her sal di warê mafên mirovan û azadiya ramanê de tê dayîn hatin eşkerekirin.

Jina Kurd Jîna Emînî ya ku di 16’ê Îlona 2022’an de li Îranê ji aliyê ‘polîsên exlaqî’ ve hat qetilkirin, jinên Îranî û tevgera ‘Jin Jiyan Azadî’ jî di nav namzetan de cih girtin. Partiya Gel a Ewropayê (EPP) Jîna Emînî ji bo xelatê namzet nîşan da.

3 fînalîstên xelatê dê di 12’ê Cotmehê de bên hilbijartin

Namzed bi îmzeya komên siyasî yên li PE û herî kêm 40 parlamenteran tên diyarkirin. Xelata ku bi navê fîzîknasê Sovyetê û muxalefetê siyasî Andrey Sakharov girtiye, ji sala 1988’an û vir ve her sal ji aliyê AP’ê ve tê dayîn, kes an saziyên ku azadiya ramanê li çaraliyê cîhanê diparêzin re tê dayîn.

Sê fînalîstên xelatê dê di 12’ê Cotmehê de ji hêla Komîteya Têkiliyên Derve û Komîteya Pêşketinê ya PE ve werin hilbijartin. Di 19’ê Cotmehê de Seroka PE Roberta Metsola û serokên komên siyasî yên li meclîsê dê biryarê bidin ka dê kî xelatê werbigire. Merasîma xelatdayînê wê di 13'ê Kanûnê de di çarçoveya Lijneya Giştî ya Parlamenta Ewropayê ya li Strasboûrgê de bê lidarxistin.