Aktîvîsta TJA Esma Çelika ku beriya meşa jinan a Amedê ya ku wê bi dirûşma "Peymana Stenbolê  bide jîn” di 10'ê Nîsanê de bimeşin, diyar kir ku berxwedana jinan dê pêvajoya pêş diyar bike û jinan vexwend meşê.

MEDİNE MAMEDOGLU

Amed – Di pêşengiya Tevgera Jinên Azad (TJA) û Meclîsa Jinê ya Partiya Demokratîk a Gelan (HDP) de, jin dê 10'ê Nîsanê li Kolana Hunerê ya Amedê bi diruşma "Peymana Stenbolê bide jîn” meşek li dar bixin. Aktîvîsta TJA Esma Çelik a bang li hemû jinan kir ku di meşê de cih bigrin, diyar kir ku ew vê biryara destkeftiyên jinan paşguh dike qebûl nakin.

"Hewl didin jinan bêdeng bikin"

Esma Çelik diyar kir ku Peymana Stenbolê ne peymanek e tenê bi biryara kesekê were xilas kirin, ew peyman  ji yekê zêdetir gelek  beşên welêt diparêz. Esma Çelika ku dibejê, divê hukûmet pêşî li tacîz û tecawizê bigire, lê ew hewl dide ku jinên ku bi kiryarên bi vî rengî re têdikoşin bêdeng bike û got, “Em dibînin ku zihniyetek ku mafê jiyanê nade LGBT + yan gav bi gav belav dibe. Dema ku ev hemî diqewimin, vekişîna ji vê peymanê dê bibe sedema zêdebûna vê komkujî û destavêtinê. Di salên paşîn de, dema ku Peymana Stenbolê yekem car  hate qebûl kirin, qetlîamên jinan nîvî kêm bû. Jin, bi helwesta li hember jinan û rojeva giştî ya amadekariyên qanûna bi jimara 6284, xwe ewle hîs kirin. Lêbelê, em hemî dibînin ku ji ber zimanê zayendperest ê hikûmetê û polîtîkayên wê yên bêcezatiyê ya li dijî tundiya li ser jinan, komkujiyên jinan zêde dibin. "

"Ji vir û şûnde dê berxwedana jinan pêvajoyê diyar bike"

Esma Çelik da xuyakirin ku bi betalkirina peymanê re wê komkujiyên li ser jinan zêde bibin û got, “Ji sedî 64 ê komkujiyên jinan li xaniyê ku lê dima pêk hat. Jin di mala xwe de, ku wekî "cîhê herî ewledar" tê hesibandin, hatin kuştin. Dema peyman hebe ev çêdibe, em dizanin ku dema peyman tune dê ev rêje hîn gelektir zêde bibe. Beriya du rojan, 22 hevalên me yên jin ên ku ji bo jiyanek azad têdikoşin bêyî hincetek hatin binçav kirin. Her sibe, em rojê bi xebera kuştina sê jinan dest pê dikin. Her roj em bi nûçeyên zarokên ku tacîz û destdirêjî li wan kirin dîsa û dîsa di tariyê de derbas dibin. Ji ber vê yekê dê berxwedana jinan pêşerojê diyar bike. Têkoşîna jinan gerdûnî ye. "Hemî jin, bêyî ku ol, nijad û reng hebe, divê bi hev re ji bo xwe şer bikin."

"Em ê li hember vê biryarê bêdeng nemînin"

Herî dawî, Esma Çelik diyar kir ku ew ê bigihîjin her jina ku ew dikarin li kolanê, li taxê, li malê an li parkan bigihînin wan û wan vexwendin meşa 10’ê Nîsanê û di dawiyê de wiha got: "Jin bi qirkirina zayendî, xwezayê, qirkirina siyasî û her cûre tecrîd li dijî polîtîkayên şerê taybet ên li ser bingeha çanda destavêtinê re rû bi rû ne. Em bi betalkirina Peymana Stenbolê re desteserkirina mafên xwe yên bi dest xistî qebûl nakin. Li dijî vê biryarê, jin bi rojan e li kolanê ne. Ew di her warî de bertekên xwe tînin ziman. Em ê bêdeng bimînin û rê nadin dewleta mêr-serdest mafên me bistîne. Em bi şîara "Peymana Stenbolê dide jîn" bi yekkirina dengên xwe re li dijî betalkirina Peymana Stenbolê, ku mafên jinên me li dijî her cûre zordarî, şîdet û mêtîngeriya li dijî jinan mîsoger dike li qadan in.