Navenda Nûçeyan - Di sêyemîn roja grevê de gel, li dehan bajaran daketin kolanan û xwepêşandan li dar xistin û hêzên ewlehiyê jî gule li xwepêşanderan reşandin, hejmarek ji wan revandin.

Welatiyan li piraniya bajarên Îranê û Rojhilatê Kurdistanê xwepêşandan li dar xistin û hêzên ewlehiyê rasterast gule li welatiyan reşandin, di encamê de xortekî jiyana xwe ji dest da.

Di di navbera kesên hatine qetilkirin de 63 zarok û 29 jin hene

Rêxistina Mafên Mirovan a Îranê ragihand ku ji destpêka şoreşa ve heta niha 458 kes ji aliyê hêzên ewlehiyê ve hatine kuştin û di navbera wan de 63 zarok û 29 jin hene.

Rejîma Îranê cezayê îdamê li 5 kesên ku vê dawiyê hatine girtin birî û hejmara kesên ku bi îdamê hatine mehkûmkirin gihîştiye 11 kesan.

Rêxistina Mafên Mirovan a Îranê îdamkirina girtiyan weke binpêkirina pîvanên mafên mirovan dibîne û daxwaz ji civaka navdewletî dike ku bertekeke tund li hemberî van cezayan nîşan bide.