Navenda Nûçeyan-  Duh li ser hesabê fermî yê HDP'ê yê twitterê hat ragihandin ku Hevseroka Giştî ya HDP'ê Pervîn Buldan û Wekîla Enqereyê Fîlîz Kerestecîoglû bi endamên HDP'ê Aysel Tugluk, Gultan Kişanak û Fîgen Yuksekdag ên li Girtîgeha Kandirayê girtî ne, hevdîtin pêk anîne.

Di daxuyaniya li ser rûpela HDP'ê de hat destnîşankirin ku divê Aysel Tûglûk û hemû girtiyên nexweş ên ku rewşa wan a tenduristiyê nebaşe bên berdan û ev agahî hatin dayîn:

“Hevseroka me Pervîn Buldan û Wekîla me Fîlîz Kerestecîoglû çûn Girtîgeha Kandirayê û bi Aysel Tugluk, Gultan Kişanak û Fîgen Yuksekdag re hevdîtin pêk anîn. Aysel Tugluk a ku rewşa wê ya tenduristiyê her ku diçe nebaş dibe û hemû girtiyên nexweş divê bi awayekî bê hincet bên berdan.”