Hazal Kaya bi îdiaya heqaret li kiryarê tecawizê kiriye îfade da
Çawişê pispor Musa Orhan ê ku tecawiz li Îpek Er kir û bû sedem ku întîhar bike cezayê wek 'xelat' hat dayîn, herheqê kesên bertek nîşanî biryarê kiryarê tecawizê didin doz tê vekirin. Vê carê jî Hazal Kaya bi îdiaya ku heqaretê li kiryarê tecawizê kiriye
Navenda Nûçeyan – Derbarê Hazal Kaya ya ku piştgirî da Ezgî Mola ya ku bertek nîşanî çawîşê pispor Musa Orhan ê ku di 2020'î de li navçeya Qubînê ya Êlihê tecawizî Îpek er kir û bû sedem ku întîhar bike da û bi îdîaya “heqaretê kir” tê darizandin, piştgirî da de doz hat vekirin. Hazal di çarçoveya ‘doza heqeretê’ de li emniyetê îfade da. Hat diyarkirin ku Mûsa Orhan bi dozkirina kesên navdar vê yekê kiriye misogerkirina dahata xwe.
Hazal Kaya der barê mijarê de li ser hesabê xwe yê medyaya dîjîtal wiha got, “Mûsa Orhan jî der barê min de doza îftirayê vekiriye. Ez wisa difikirim ku modelek dahatê ya bi vî rengî ava bûye.”
Ji lîstikvanan re ceza
Lîstikvan Ezgî Mola jî di 20’ê Tebaxa 2020’an de li ser hesabê xwe yê medyaya dîjîtal parvekirinek kiribû û ev jî bibû mijara dozê. Di encama darizandina hat kirin de ji Ezgî Mola re bi hinceta ku sûcê heqaretê kiriye, di berdêla 87 roj cezayê edlî de 6 hezar û 960 lîre cezayê pere hat dayîn.
Der barê Lîstikvana Farah Zeynep Abdullah a ku piştî dawîbûna darizandine ji bo piştgiriyê bide Ezgî Mola tweet avêt jî bi hinceta heqaret li Musa Orhan kiriye doz hat vekirin. Der barê Farah Zeynep Abdullah de 2 sal û 4 meh cezayê girtîgehê hat xwestin.
Çi bûbû?
Li navçeya Qûbin Beşîrî ya Êlihê Îpek Er di 16'ê Tîrmehê de hewilda întîharê kiribû û di 18'ê Tebaxê de jiyana xwe ji dest dabû. Nameya Îpek Er ku vedibêje Musa Orhan tecawiz li wê kiriye gihiştibû JINNEWS'ê û bûyer di çapemeniyê de cih girt. Parêzerên malbata Er jî der barê Mûsa Orhan ê ku bi îdîaya “êrişa zayendî ya biwesf” hat girtin de, bi hinceta "Xirikandina întîharê” serlêdana sûc kiribû. Çawîşê pispor Musa Orhan ê ku piştî bertekên tund bi hinceta tewcawiza Îpek Er kiriye hatibû girtin, di 25'ê Tebaxê de hatibû berdan.
Ji Mûsa Orhan ê ku li 1'emîn Dadgeha Cezayê Giran a Sêrtê hat darizandin, ji sûcê “êrişa zayendî ya biwesf” 12 sal cezayê girtîgehê hat dayîn. Heyeta dadgehê bi hinceta "dibe ku bandoreke neyînî li paşeroja wî bike" û bi awayekî rêkûpêk beşdarî hemû danîşinan bûye, kêmkirina "rewşa baş" bi kar anî ceza daxist 10 salan. Her wiha biryar hat dayîn ku bi hinceta ku gumana revê ya kiryarê tecawizê tune ye, bi sepandina tedbîrên edlî bi rengekî negirtî were darizandin.