Navenda Nûçeyan-Serokwekîla Koma Partiya Wekhevî û Demokrasiyê ya Gelan (DEM Partî) Gulistan Kiliç Koçyîgît di civîna çapemeniyê ya li Meclîsê de geşedanên dawî nirxand.

Gulistan Kiliç Koçyîgît anî ziman ku rojeva wan a herî bingehîn û nayê guhertin girtîgeh û tecrîda Îmraliyê ye.
Gulistan Kiliç Koçyîgît got, "Pêwîste bi lezgîn tecrîd bi dawî bibe. Gelê Kurd û gelên cîhanê ji tenduristî û ewlekariya Birêz Ocalan meraq dikin. Di çareseriya demokratîk a pirsgirêka Kurd de muxatabê sereke û yekemîn e. Ji bo çareseriya pirsgirêka Kurd divê tecrîd bê rakirin. Ji bo vê jî hem li girtîgehan hem jî li kolan û qadan çalakî hene.”

'Em baş dizanin ku YSK di bin fermana qesrê de ye'

Gulistan Kiliç Koçyîgît bertek nîşanî redkirina serlêdana namzetên xwe yên li Îdirê da û got.

"Me hemû îtîraz û serlêdanên xwe kirin. YSK'ê ev maf ji ku digire? YSK kî ye? Ev cesaret ji ku tê? Berê jî tiştên wiha hatin kirin. 50 hezar hilbijêrên qaçax anîn şaredariyên me yên dagirkirine. Ya yekem ku bi destê qeymeqaman ji destê me hatin girtin û desteser kirin. 50 hezar hêzên ewlehiyê anîne. Hewl didin li wir derbeyê li vîna gel bidin. YSK jî li hemberî hemû nerazîbûnên me bêdeng dimîne. Ev neheqî ye. neqanûnî, li pêşiya ronîkirina îradeya bajêr asteng in. Ji ber vê sedemê nabêje ku van hilbijêrên sexte betal dike, nabêje ku namzetê me yê hevşaredar belgeya îadekirina wî heye. namzetiya wî betal dike. Gelek memûrên qesrê hene.Em baş dizanin ku YSK di bin fermandariya qesrê de ye, di bin emrê AKP’ê de ye. Divê YSK û Qesr baş bizanibin ku em ne li ber YSK, Qesr, AKP, memûrên wan serî natewînin. Gelê me ji duh bi şev û vir ve li Îdirê li kolanan e. Heta ev bêhiqûqî ji holê rabe em ê têkoşîna xwe li kolanan bidomînin."