Navenda Nûçeyan-   Êrîşên gazê yên li Îranê li dijî dibistanên keçan berdewam dike. Hat zanîn ku 7ê Adarê li Dibistana Amadeyî ya Keçan a Baasê  a ku girêdayî navçeya Receb ya parezgeha Dalaho gelek xwendekarên keç bi gazê jehrî bûne.

Li gorî agahiyên hatine bidestxistin; Xwendekarên jehrî bûn rakirin Nexweşxaneya Sarpol Zehabê. Du xwendekarên bi navên Samane Husênî û Gîta Ezîmî ku rewşa wan a tendirustiyê girane, dê îro derbasî nexweşxaneya Xumeynî ya Kirmaşanê bên kirin

Hat diyarkirin ku beriya niha 10 xwendekar ji ber xirabbûna rewşa tenduristiyê rakirine nexweşxaneya Kirmaşahê.