Foruma “Rejîma Heqîqetê” li Reqayê dest pê kir
Li Zanîngeha Şerq a Reqayê foruma diyalogê ya têkildarî "Rejîma Heqîqetê" dest pê kir. Di forumê de ramanên Rêberê Gelê Kurd Abdullah Ocalan dê di 3 beşan de were nîqaşkirin.
Navenda Nûçeyan- Akademiya Zanistên Civakî ya Rêber Abdullah Ocalan bi hevkariya Zanîngeha Rojava, Akademiyên Civaka Demokratîk, Akademiya Enternasyonalîst a Şehîd Lêgerîn û Meclisa Bawerî û Olan, foruma têkildarî "Rejîma Heqîqetê" bi dirûşma "Bi naskirina rastiya xwe em ê jiyana azad ava bikin" li Zanîngeha Şerq a Reqayê dest pê kir.
70 rewşebîr, siyasetmedar, akademîsyen û mamosteyên Zanîngeha Rojava û Zanîngeha Şerq û rûspî di forumê de hazir in.
Di forumê de dê mijarên “naskirina rastiyê û pênasekirina rêbaza ramanên Rêberê Gelê Kurd Abdullah Ocalan, bandora modernîteyê li ser jiyana li Rojavayê Kurdistanê, Bakur û Rojhilatê Sûriyeyê û çareseriyên pirsgirêkan li gorî ramanên Abdullah Ocalan” di 3 beşan de werin gotûbêjkirin.
Hevserokê Akademiya Civaka Demokratîk Ebdulselam El Casim axivî û piştre nîqaşkirina beşa yekemîn a forumê dest pê kir.