Navenda Nûçeyan - Bertekên li ser binçavkirina rojnamegerên di çarçoveya lêpirsîna Eskîşehîrê de berdewam dikin.

Forum Giornaliste Mediterraneo (Foruma Rojnamegerên Jin ên Mediterraneo-FMWJ) têkildarî operasyonên qirkirina siyasî yên polîsên Tirk ên li bajarên Kurdistan û Tirkiyeyê di nav de gelek rojnameger jî di nav de ne, daxuyaniyek da.

Di daxuyaniyê de hat gotin, “Tirkiyeyê 14 rojnamegerên kurd binçav kirin. "FMWJ daxwaz dike ku demildest serbest bên berdan û 'komkujiya siyasî' bê rawestandin."

FMWJ di daxuyaniya xwe de ev tişt anî ziman: “Li gelek bajarên wekî Amed, Stenbol, Êlih, Mêrdîn û Şirnexê operasyonên polîsan hatin kirin. Wezîr Alî Yerlîkaya ragihand ku li 30 parêzgehan di serdegirtina malan de 231 kes hatine binçavkirin. Di operasyonan de gelek nivîskar û rojnamevanên kurd di nav de Erdogan Alayumat (rojnameger), Tuğce Yilmaz (rojnameger), Bîlge Aksu (rojnameger), Ahmet Sûnbûl (rojnameger), Roza Metîna (Seroka Komeleya Rojnamegerên Jin a Mezopotamyayê), Bilal Seçkin (rojnameger), Mehmet Ûcar (rojnameger) , Suzan Demir (rojnameger), Ardîn Diren (werger-derhêner), Dogan Guzel. Gelek nivîskar û rojnamevanên kurd, (karîkaturîst), Hicrî Îzgören (helbestvan-nivîskar), Omer Barasî (wergêr-nivîskar), Baver Yoldaş (koordînatorê weşanxaneyê) û Havîn Derya (rojnameger) hene, hatin binçavkirin.

Weke Foruma Rojnamegerên Jin ên Behra Spî em hevgirtinê xwe   ya bi hevpîşeyên  xwe re radigihînin û bang dikin ku demildest hevalên me yên Kurd bên berdan û dawî li ‘qirkirina siyasî’ ya rejîma Erdogan bînin.”