Mexmûr - Li wargeha penaberan a Şehît Rûstem Cûdî ya Mexmûrê Evîn Goyî ya di 23’ê Kanûna 2022’an de di 2’yemîn Komkujiya Parîsê de bi du rêhevalên xwe re jiyana xwe ji dest da, bi merasîmekê hat bibîranîn.

Beriya merasîmê deqeyek rêz hat girtin. Piştî rêzgirtinê birayê cangorî Evîn, Simal Kara axivî.

Simal Kara di destpêka axaftina xwe de di şexsê Evîn Goyî de hemu têkoşerên azadiyê bibîranî û wiha got: “Rêbertî di tevgera me de jî dibêje şehîd nirxên me yên herî mezin û rêberê me ne. Dema mirov dibêje ‘Şehîd Namirin’ divê mirov hemu taybetmendiyên şehîd dixwede ava bike. Divê li hemberî şehîd hem aliyê wate dayîn, biryardayîn, helwest û nêzîkatiyan de xwedî taybetmendî û seknek wisa be mirov bikare bibêje ‘Şehîd Namirin’ û ez li ser şopa şehîdan dimeşim.”

Piştî axaftinê sînevîzyona ku li ser jiyana Evîn Goyî hatî amede kirin, hat temaşekirin û merasîma bîranînê bi dirûşmeyên ‘Şehîd Namirin’ û ‘Bijî Serok Apo’ bi dawî bû.