Navenda Nûçeyan - Hevseroka Giştî ya Komeleya Mafên Mirovan (ÎHD) Eren Keskîn li ser hesabê xwe yê Twitterê ragihandibû ku ew li Balafirgeha Sabîha Gokçen a Stenbolê ji aliyê polîsan ve hatiye binçavkirin.  Parvekirinên li ser medyaya dîjîtal wekî hincet hat nîşandan û Eren hat binçavkirin. Piştre Eren li balefirgehê hat berdan.

Eren Keskîn hefteya bûrî roja şemiyê li gel Dayikên Şemiyê li Qada Galatasarayê hatibû binçavkirin û piştre hatibû berdan. Îro jî polîsan êrişî Dayikên Şemiyê kir û 12 kes kirin binçavan.

Nehat zanîn ku ka Eren Keskîn ji ber kîjan parvekirinan hatiye binçavkirin û hat berdan. Hat bi bîrxistin divê Eren di nava pênc rojan de here dozgeriyê û îfadeya xwe bide.