Kabul – 26’ê Adarê li paytexta Efganistanê Kabulê jinên ku li dijî polîtîkayên jinperest ên Talîbanê protesto dikirin rastî êrîşa endamên Talîbanê hatin û hatin binçavkirin. Fatemeh Mihemedî, Malalî Haşmî, Ruqeyyah Saee û Yaqut Mandgar yên hatibûn binçavkirin, hatin girtin.

'Ji bo mafên xwe em daketin qadan'

Yek ji meşvanan Mehcûb Hebîbî ji ajansa me re axivî û têkildarî bûyerê wiha got:

"Em li derdora saet 10.00’an daketin kolanên Kabulê. Ji ber ku endamên Talîbanê bi gelemperî beriya meşê derdikevin pêşberî me, me der barê meşa xwe de agahî neda. Lê Talîbanan xwest meşa me rawestîne û em hatin dorpêçkirin. Çend deqîqe beriya meşê, Talîban êrîşî me kir û em dorpêç kirin. Piraniya wan karîbûn birevin, lê çar hevalên me hatin girtin. Ez fam nakim çima Talîban ji destên me yên vala ditirse. Em tenê daketin kolanan da ku daxwazên xwe yên rewa yên perwerdehiyê û perwerdehiyê bi cih bînin, kar bikin û binpêkirinên mafên mirovan şermezar bikin."

Mehcûb Hebîbî diyar kir ku divê têkoşîn bidome û got, "Çiqas zext, girtin û îşkence li me bê kirin, em ê têkoşîna xwe ya ji bo bidestxistina mafên xwe yên jinan bidomînin."