SÎLVA EL-ÎBRAHÎM

Minbic - Dewleta Tirk di derheqê 108 siyasetmedar û hiqûqnasên ku di nava wan de hevserokên berê yên HDP’ê Fîgen Yuksekdag û Selahattîn Demîrtaş jî heye ku ji Doza Kobanê dihatin darizandin heye cezayên girtigehê birî. Endama Kombûna Jinan a Zanûbiyayê li Kantona Minbicê Hêvî Mihemed derbarê biryara Doza Kobanê de axivî û da zanîn ku dadgehkirina siyasetmedaran siyaseteke bi zanebûn e.

‘Dadgehkirina siyasetmedatan hilanîna tola DAIŞ’ê ye’

Hêvî Mihemed ev biryarên dewleta Tirk bi nemirovî bi nav kir û got: "Ev dadgehkirina faşîst li dijî siyasetmedaran bi hinceta piştgiriya berxwedana Kobanî ne mirovî û wijdanî ye. Ji ber Kobanî û berxwedana xwe karîbû hêza DAIŞ’ê bişkînin. Piştgiriya pêre jî hêz û moral dida kesên li hember metirsîdartirîn terorîstên li cîhanê şer dikirin. Helwesta gelê Bakurê Kurdistanê gelekî hêja bû. Wan sînor şikandin û tevlî berxwedanê bûn. Kesên di hindirê Tirkiyê de jî man piştgiryeke xurt dan gelê Kobanê.

Dewleta Tirk vê weke sûc dibîne, dewleta Tirk piştgira yekem a DAIŞ’ê ye. Dewleta Tirk yan jî Osmaniya nû ji dîrokê ve dijminatiya Kurdan dike. Yek ji armancên wê xistina Kobanî bi destê DAIŞ’ê bû. Lê belê ev xewn dûrî pêkanînê bû ji ber Kurdên her çal aliyên Kurdistanê piştgiriya berxwedana Kobanê kirin û DAIŞ li hemû kantonên Bakur û Rojhiloatê Sûriyê têk birin, dadgehkirina siyasetmedaran hilanîna tola DAIŞ’ê ye.”

 ‘Doza Kobanê dozek cîhanî ye’

Hêvî Mihemed bêdengiya navneteweyî ya li hemberî biryara bê hiqûqî weke piştgiriya bi dewleta Tirk re bi nav kir û got: "Doza Kobanî bûye dozeke cîhanî, çeteyên DAIŞ’ê metirsiyek li ser hemû cîhanê ye. Tevî hemû bangên darizandina DAIŞ’ê jî heta niha kesekî dengê xwe nekiriye.”

‘Em piştgiriya siyasetmedaran dikin’

Hêvî Mihemed teqez kir ku ew piştgiriya siyasetmedarên Kurd ên di girtîgehên Bakurê Kurdistanê de dikin û bi gotina “Em deyndarê helwesta wan a ji bo Doza Kobanî ne. Em tenê dikarin bi riya meşandina ser xeta wan a berxwedanê deynê wan bidin” banga xurtkirina têkoşînê kir.