Navenda Nûçeyan – Halîme Taghîpur, yek ji damezrênerên Akademiya Kanîmal a ku ji bo lêkolîna li ser dîrok û çanda Kurdên Xorasanê hatibû avakirin, roja 25’ê Îlonê ji ber nexweşiya losemiyê ku bi salan dihat dermankirin, jiyana xwe ji dest da. Halîme Taghîpur a ku 3 roj piştî vekirina akademiyê jiyana xwe ji dest da, ji bo çand û dîroka Kurdên Xorasanê zindî bihêle, jiyana xwe derbas kir.

Halîme Taghîpur tevî hevjînê xwe Kalîmullah Tohdî zêdeyî nîv sedsalê ye ku di vî warî de xebat û xizmetên giranbiha pêşkêş kirine û gelek pirtûk nivîsandine.

Halîme Taghîpur 3 sal berê bi armanca parastin û weşandina dîroka bi hezaran salan a Kurdên Xorasanê bingeha avakirina Akademiya Kanîmal avêt. Halîme Taghîpûr a ku li gundê Oghazê yê bajarê Şîrwanê yê Xorasana Bakur ku lê dijiya, Akademiya Kanîmal ava kir û hemû lêçûnên wê bi xwe da. Halîme Taghîpur 3 roj piştî vekirina akademiya ku bixwe damezrandibû, ji ber nexweşiya losemiyê jiyana xwe ji dest da.

Halîme Taghîpur ji aliyê xelkê Xorasanê ve wek dayîka Kurdên Xorasanê dihat naskirin.