Mexrib- Wekî gelek deverên cîhanê bûyereke hovane li Bajarê Dar EL-Ebeyda, di 4'ê Tebaxê de pêk hat. Xortekî dayika xwe kuşt û serê wê ji bedena wê jêkir, girt destên xwe û di nav gel de geriya. Bûyer li taxa Selam a bajarê Dar EL-Ebeyda li Navenda Rojavayê Mexribê pêk hat û kesên ku ev rewş dîtin şok derbas kirin û di heman demê de rayedarên ewlehiyê agahdar kirin ku sûcdar bigrin.

Li gorî daneyên ku ji şahidan hatin girtin, kujer serê dayika xwe dûre avêt cihekî vala û ji ber çavan winda bû. Polîsên Mexribê li ser cenaze lêkolîn kirin û derket holê ku cenazeyê jineke 60 salî ye û rakirin navenda tiba edlî. Her wiha polîsên Mexribê hê jî li kujer digerin ji bo wî bigrin û hesab jê bipirsin û sedema vê sûcê hovane derxin holê.

Heman çavkaniyan diyar kirin ku kujer berê ji sûcê terorê hatiye girtin û gotin ku ew nexweşê derûnî bû û li nexweşxaneyê dihat derman kirin. Ji van agahiyan diyar dibe ku nebaşiya rewşa wî bûye sedem ku vî sûcê hovane bike.