Navenda Nûçeyan- Endama Meclisa Şaredariya Sûra Amedê ya HDP’î Bîrsen Guneş piştî tayînkirina qeyûm ji erkê hatibû girtin û der barê wê de bi îdiaya ‘endamtiya rêxistinê’ doz hatibû vekirin danişîna biryarê hat dîtin.

Danişîna dozê li 5’emîn Dadgeha Cezayên Giran a Amedê hat dîtin, Bîrsen Guneş û parêzerê wê Orhan Sicakyuz di danişînê de amade bûn. Bîrsen Guneş, ji ber tevlibûna xebat û çalakiyên partiya xwe dihat sûcdarkirin. Dozgeriyê di mutalaaya xwe de careke din xwest Bîrsen Guneş were cezakirin.

Parêzerê Bîrsen Guneş, Orhan Sicakyuz jî li dijî mutalaayê parastin kir û da zanîn ku çalakî û xwepêşandanên muwekîla wê beşdar bûye, dikevin çarçoveya azadiya fikr û xweîfadekirinê. Orhan Sicakyuz, daxwaza beraeta muwekîla xwe kir. Bîrsen Guneş jî sûcdariyên heyî red kir û xwest beraet bibe.

Dadgehê ji bo Bîrsen Guneş biryara beraatê da.