Hesekê-Bi boneya salvegera 9’emîn Şoreşa 19’ê Tîrmehê û bi dirûşmeya "Bi rihê Şoreşa 19’ê Tîrmehê em ê dagirkeriyê têk bibin û serkeftinê misoger bikin" bi sedan ji şêniyên bajarê Hesekê- Bakur û Rojhilatê Sûriyeyê şahiyek li  hola Xabûr ya taxa Til Hecer a bajarê Hesekê li dar xistin. 

Pîrozbahî bi deqeyek rêzgirtinê  ji bo pakrewanên azadiyê despêkir, paşê li ser nave Rêveberiya Xweser Ebid El- Xenî Oso axaftin kir. 

 ‘Parastina nirxê şoreşê erkê her kesî ye’

Ebid El-Xenî Şoreşa 19’ê Tîrmehê li gelên bakûr û rojhilatê Sûriyeyê û hêzên leşkerî pîroz kir û wiha got: ” Şoreşa 19`ê Tîrmehê berdewamiya têkoşîna rêhevalên me yên berxwedana 14`ê Tîrmehê ye û yek ji berhemên vê şoreşê ye. Şoreşa Rojavayê Kurdistanê  bi kedek mezin û bi pêşengtiya jinan hate li dar xistin, li ser vî esasî Rêveberiya Xweser hate bi rêxistinkirin. Îro ji her kesî tê xwestin ku xwedî li nirxê şoreşê derkeve, hêzên desthilatdar êrîşî van deskeftiyan dikin û hewl dide şoreşê têk bibin. Bi teybet dewleta tirk bi hemû rêbazan êrîşên xwe pêk tîne. Lê em wekî gelê Bakûr û Rojhilatê Sûriyeyê pêwîst e em asta têkoşînê bilindtir bikin û parastina nirxê şehîdan bikin.”

Paşê Koma Tolhildan ya bajarê Hesekê  stran pêşkêş kirin. Şahî bi gerandina govendê bi dawî bû.