Navenda Nûçeyan – Endama Federasyona Azad a Karkerên Îranê û çalakvana kedkariyê Nesrîn Cewadî ya li girtîgeha Îranê tê girtin, tevî rewşa wê ya xirab a tendirustî jî mafê wê yê xwe gihandina lênêrîna pêwîst a bijîşkî hat astengkirin.

Çavkaniyên herêmî destnîşan kirin ku çalakvana kedkariyê ya ku li Girtîgeha Êvînê bi navê Nesrîn Cewadî girtî ye, tevî têkçûna rewşa tendirustiya wê û daxwazên wê yên gelek caran ji bo dermankirina pêwîst, ji lênihêrîna bijîşkî hatiye redkirin.

Nesrîn Cewadî di sala 2018’an de li gel bi dehan xwepêşanderan di xwepêşandana li dijî şert û mercên karkeran ên li ber avahiya parlamentoyê de, di roja cîhanî ya kedkaran de hatibû girtin û di Hezîrana heman salê de, piştî dayîna 100 milyon tumenê bi kefaletê hatibû berdan Lê piştî sê mehan ji berdana wê ji aliyê Şaxa 26 a Dadgeha Şoreşê ya Tehranê ve bi tohmeta “civîn û lihevkirina ji bo karkirina li dijî ewlehiya Îranê”, “propaganda li dijî rejîmê” û “propagandaya li dijî rejîmê” û 5 sal cezayê girtîgehê hat mehkûmkirin. Her wiha bi 74 qamçiyan û qedexeya danûstandinê bi malbata xwe re jî hat cezakirin.