Bi pêxistina çiruska şoreşa bi pêşengiya jinê ya li Rojavayê Kurdistanê gur dibû re hêviyên jiyana nû geş dibûn. Ji gelek deverên cîhanê şoreşgerên enternasyonalîst ji şoreşa jinê kelecan girtin û berê xwe dan eniyên cengê.

Yek ji wan jî Ivana Hoffmann (Avaşîn Têkoşîn Guneş) ya ji Afrîkayê bû, parzemîn û welat derbas kir û xwe gihand armanca xwe. Di eniya Til Temir a Kantona Hesekê de cihê xwe girt û di gelek hamleyên berxwedanê de cihê xwe girt.

Weke tola hemû jinan ji pergala deshilatiyê hilîne bi fedekariyek mezin serde diçu û şer dikir. Li hemberî çeteyên DAIŞ’ê heya nefesa xwe ya dawî şer kir û 7’ê adara 2015’an tevlî karwanê nemiran bû.