NEZÎHA BOSEÎDÎ

Tûnis- Li Tûnisê jinên ku bi pîşesaziyên kevneşopî re eleqedar dibin, bi hemû cureyan wan diparêzin wek cil û bergên hirî, alavên xemilandî, mobîlya û berhemên kevnar ên ji bo xemilandinê û yên din. Eleqeya jinan bi wê re ji aliyekî ve ji ber girîngiya van berheman e û ji aliyê din ve jî dildariya wan a ji bo parastina hunera pîr û kalên xwe ye. Li Tûnisê jî her herêm xwedî pîşesaziyên xwe yên kevneşopî ye ku jinan ev ji dayika xwe yan jî li navendek perwerdeyê ya pispor ku di vî warî de wan fêr dike girtine.

Di vê çarçoveyê de ajansa me bi komek ji jinên pîşekar re di çarçoveya salona nûjeniyê di pîşesaziyên kevneşopî de ku di 18’ê Adarê de dest pê kir û dê heta 27’ê heman mehê berdewam bike re axivî.

Delîla El-Obeydî ku zêdetirî çil salan e bûkelan çêdike, der barê ezmûna xwe de got: "Min bi riya bernameyên televîzyonê yên zarokan dest bi amadekirina bûkelan kir û ji dar û qumaşê gelek bûkel çêkirin."

Li ser sedema bijartina çêkirina bûkelan jî wê ev yek diyar kir: "Dayik bi hewceyî wesîleyeke hêsan e ji bo ku zarokên xwe agahdar bikin, ji ber ku me berê bi wêneyan dixwend û niha em di serdema wêneyan de dijîn."

Ji ber karê ku dikin zarok ji wan hez dikin

Têkildarî bikaranîna zarokan ji karê wan re û îlhama xwe ji hilbijartina şeklên ku ew çêdikin, piştrast dike ku zarok ji wan hez dikin, ji bilî hejmarek kêm ji wan û karakterên ku ew xêz dikin ji xezîneya çandî ne. Ji ber ku ew jinek e, bi taybetmendiyên ku li ser peyariyan hatine xêzkirin dagirtiye. Em bûkelên ku ji bo partiyên cihêreng cilên kevneşopî li xwe dikin çêdikin û yên din jî ji bo karakterên ku di dîrokê de derketine û bi ken û hunerê re têkildar in dibînin.

Delîla El-Obeydî anî ziman ku hin dibistanên perwerdeyê di dersdayînê de bûkelan bi kar tînin û divê ku ev yek li dibistanan were giştîkirin. Nemaze ji bo zarokên di salên destpêkê yên jiyana xwe de, da ku alîkariya mamoste bikin ku wan bi hêsanî hîn bike. Her wiha bûkel di tedawiya psîkolojîk de ji bo hin kesan jî tên bikaranîn ji ber ku nexweş dema bi wan re diaxivin xwe rehet hîs dikin û ji şermînî yan jî tirsa eşkerekirina sirên ji mirovên xwezayî re derbas dibe.

Li ser çawaniya danasîna berhemên xwe, Delîla El-Obeydî wiha behs kir: "Ez berhemê hem li bazarên xwecihî hem jî li derve belav dikim. Min serdana gelek pêşangehên welatên cihê kir, di nav de Dewletên Yekbûyî yên Emerîkayê ku cihê herî girîng e ji bo derxistina berhemên min jî hebû."

 Nûbûn û afirînerî

Parêzgeha El Kef bi Marquma xwe ya kevneşopî navdar bû ku cureyek kelûmelên hirî bi bedewî û kalîteya xwe tê naskirin. Zîna Sadî, yek ji jinên ku amadekirina wê ji dayika xwe girtiye û di afirandina celeb û şeklên nû de li gorî hewcedariyên xwe hoste bûye ye.

Der barê xebatên xwe yên di vî warî de jî Zîna Sadî got: "Zêdetirî çil sal in ku ez amadekariya "Marqum" û "Kelîmê" dikim û hewl didim bi wêneyên nû yên ku li gorî hewcedariyên berhemê ne, berhemên xwe bi pêş bixim û berhemên min profesyoneltir û bi kalîtetir bûne."

Der barê daxwaza berhemên bi vî rengî de, wiha dibêje: "Dikaneke min li El Kef heye û kêfa min ji kirînê re tê lê pandemiya koronayê bandorek xwe ya neyînî heye. Her wiha em ji lêçûnên zêde yên ku bandorê li ser bihayê berheman dike êşê dikşînin lê tevî hemû zehmetiyan ez ê tu carî dev ji hunera xwe bernedim."

Ger ku Zîna Sadî di çêkirina Marqumê de hunermend û nûker bûya, wê demê Delîla Harz El-Lawî di îstîsmarkirina nîşana çêkirina çenteyên jinan de veguherî kesayetek afirîner. Marqum ji bo wê, nîşankirin mîrat e û divê bê parastin.

Der barê zehmetiyên ku ew wek pîşekar pê re rû bi rû dimîne de, diyar kir ku danasîna qels pirsgirêka wê ya sereke ye û ger li welat seferberiya geştiyariyê hebe dê danasîn baştir bibe.

Ji aliyê din ve Sofiya Şatalî jî ev yek da zanîn: "Ez li ser guherandina hemû berhemên hirî yên kevin ji nivîn, betaniye û "Marqum" bo tiştên nû, bi dirûtin û hesinkariyê dixebitim. Ez wan ji nû ve çêdikim ji bo bikaranîîna wan di tabloyan, pêçandina kursiyekê yan jî xemilandina tiştan da ku xêzên xweşik li malê zêde bikin."

 Xîret û sebir

Zohour Aounallah Al-Watar, xwediya cil û bergên kulîlkan ji bo pîşesaziyên kevneşopî, wiha got: "Ez bi meraq cilên kevneşopî bi pêş bixim da ku hilberînên welatê xwe bidim nasandin. Jin bi giştî di warê pîşesaziyên kevneşopî de bi isrartir in û tevî hemû zehmetiyan jî xwedî biryarek xurt in û ji bo pêşxistina berhemên xwe û pêşxistina rewşa xwe hewl didin.

Zohour Aounallah Al-Watar destnîşan kir ku pandemiya koronayê bandorek neyînî li ser karkerên di vî warî de kiriye, ji ber vê yekê ew dixwaze gelek pêşangehan organîze bike da ku ji wan re bibe alîkar, hilberînên xwe bifroşin û zehmetiyên darayî derbas bikin.

Ji çolê giyayan dide ser pişta xwe heta malê dibe

Pispora giyayên xwazayî Radiya Salmi jî got ku wê sê sal berê di nav komplekseke jinan de dest bi karê xwe kiriye û piştre xwestiye jê serbixwe bibe û niha bi tena serê xwe kar dike. Her wiha da zanîn ku  ew rastî zehmetiyan tê ji ber ku giyayên ji deverên dûr ên çiyayan berhev dike û li ser pişta xwe hildigire heta malê.

Radiya Salmi ji rayedaran xwest ku ji wan re bibin alîkar ku pîşesaziya xwe bi pêş bixin bi peydakirina alavên pêwîst ji bo danasîna hilberînê.

Jinên Tûnisî di beşa pîşesazî ya kevneşopî de zêdetir amade bûn û ji bo nûjeniyê zêdetir daxwazên wan hene û tevî hemû astengî û zehmetiyan jî israr dikin ku karê xwe berdewam bikin.