MEDÎNE MAMEDOGLU 

Amed- Di 8’ê Hezîrana 2021’ê de li navçeya Farqîna Amedê dayika 7 zarokan Ayşe Tayurak di mala xwe de bi awayekî gumanbar mirî hat dîtin. Piştî mirina bi guman a Ayşe Tayurak di 10'ê Tîrmehê de weke gumanbarê kuştinê Adem Tayurak hatibû girtin.

Di rapora ku di meha Kanûnê de ji aliyê Saziya Tiba Edlî (ATK) ve hatibû amadekirin de, kiryar Adem Tayurak piştî mirina xwe weke "întihar" bi nav kir, serbest hat berdan. Di rapora pispor a ku dosyaya piştî serbestberdanê hat girtin de hat şopandin, hat diyarkirin ku mirin ne întihar, kuştin e. Piştî biryarê parêzeran ji bo lêpirsîn ji nû ve bê destpêkirin raporê ji 5'emîn Dadgeriya Cezaya Sulhê ya Amedê re şandin. Dadger bi hinceta rapora "întihar" a ku ATK'ê daye serlêdanê red kir. 

Dosya di nava çend mehan de hat girtin!

Hat diyarkirin ku Ayşe Tayurak a di 8’ê Hezîranê de li mala xwe bi awayekî gumanbar jiyana xwe ji dest da, ji aliyê hevserê xwe Adem Tayurak ê ku di pêvajoya telaqê de bû ve gelek caran rastî şîdetê hatiye û biryara dûrxistinê hebû. Adem Tayurak ê piştî mirinê weke gumanbarê kuştinê hat girtin, di rapora Saziya Tiba Edlî (ATK) ya ku di çarçoveya lêpirsînê de amade kir, îdia kir ku mirina ji ber  "bidarvekirinê" ye. Piştî rapor hat amadekirin, dozgeriyê Adem Tayurak ê girtî serbest berda. Piştî serbestberdanê, li ser raporê dosyaya lêpirsînê hat girtin.

Pisporên edlî derbarê bûyerê de gotibûn cînayet e!

Parêzerên li dijî rapora ATK'ê ya ku hatiye amadekirin îtîraz kirin, xwestin rapora pispor ji aliyê pisporan ve bê amadekirin. Zanîngeha Erciyesê Fakulteya Tibê ya Tiba Edlî Ad. Endama Hîndekariyê Prof. Çaglar Ozdemîr û Fakulteya Tipê ya Zanîngeha Stenbolê Tiba Edlî Ad. Hîndekarê Prof. Di rapora berfireh a ku ji aliyê Nadir Arîcan ve hat amadekirin de hat diyarkirin ku Ayşe Tuyurak întihar nekiriye û di encama zexta li stûyê wê de bi tişteke hişk hatiye kuştin. Pisporên ku diyar kirin mirin ne întihar, kuştin e, diyar kirin ku rapora ATK'ê ne temam e kêm hatiye amadekirin.

Dadger rapora ATK'ê li hemberî rapora pispor parast!

Parêzerên ku xwestin dosya ji nû ve bê vekirin li gorî rapora pisporan serî li 5'emîn Dadweriya Ceza ya Sulhê ya Amedê dan. Dadwerê ku biryar nirxand, bi hinceta di rapora pispor a ku bi rapora "Mirin di encama darvekirinê de pêk hat" hat amadekirin de delîlên nû nehatine bidestxistin û sûc nehat dîtin de serlêdanê red kir. Ji aliyê ATK'ê ve bersiva nêrîna zanistî ya parêzeran hat dayîn. Herî dawî parêzeran dosya birin Dadgeha Destûra Bingehîn.