MEDÎNE MAMEDOGLU

Amed- Lêpirsîna Malbata Dedeogullari ya ku li navçeya Meramê ya Konyayê hat qetilkirin berdewam dike. Piştî 6 rojan kujer Mehmet Altun şevê din hat girtin. Demek beriya komkujiyê, malbat piştî ku ji aliyê koma 60 kesî ve rastî êrîşa nijadperestî hatibû, ji bo parastinê serlêdan kiribû lê ev daxwaz hat redkirin.

Kesên bi navê A.Ç, V.K, Y.Ç, Z.A, A.K, A.K, Î.K, Î.A, Î.A û R.Ç. ku bi hinceta têkiliya wan bi êrîşa nijadperest re heye ji ber "kuştina bi zanebûn" ji aliyê dadgerê nobedar ve hatin girtin. Gumanbarên mayî M.Ç, Î.Ç, M.G. û A.K. Ji aliyê Walîtiya Konyayê ve hat ragihandin ku ew bi şertê qedexeya derketina derveyî welat û kontrola edlî hatine berdan. Hevseroka Şaxa Amedê ya Komeleya Hiqûqnasên ji bo Azadiyê (OHD) Ozum Vurgun diyar kir ku hêzên ewlehiyê û wezîfedarên darazê yên ji vê yekê berpirsiyar in divê îstifa bikin, ew nebe jî divê lêpirsînek li dijî wan were destpêkirin.

"Êrîş ji aliyê darazê ve piştgiriyê dibînin" 

Ozum Vurgun got ku êrîşên li dijî welatiyên Kurd ên li parêzgehên wekî Konya, Afyon û Enqereyê encama zimanê faşîst ê bloka desthilatdar e û bal kişand ku êrîşên li sê parêzgehan jî ji hêla dadweriyê ve tên piştgirîkirin. Ozum Vurgun anî ziman ku komkujiya di encamê de 7 kes hatin qetilkirin, di encama polîtîkaya bêcezakirinê yên darazê de pêk hatiye û diyar kir ku ger qanûna pergala dadrêsê alîgiran dilxweş nekiribûya û di nava sînorên qanûne de kiribûya ev komkujî pêk nedihat. 

"Polîtîkaya bêcezakirinê hêzê da sûcdaran"

 

Ozum Vurgun diyar kir ku ev bûyer di encama serbestberdana êrîşkaran de piştî girtina biryara parastinê piştî binçavkirinê pêk hat û got; "Rastiya ku komkujî ji hêla dezgehên alîgirên medyayê ve wekî dozek dadrêsî hat ragihandin heye. Qetilkirina malbata Dedeogullari plana bloka desthilatdar eşkere dike. Bi rastî, kiryarên ku bi biryara parastinê hatin berdan, bihêztir bûn û di bin bandora siyaseta bêcezakirinê de komkujiyek plankirî organîze kirin. Bêcezabûna darazê bi sûcdaran re hesta bihêzbûnê çêkir."

"Pêwîst e lêpirsîn li dijî berpirsyaran bê destpêkirin"

 

Ozum Vurgun got; "Biryara parastinê ya ji aliyê darazê ve ji bo malbatê hat dayîn dîsa ji aliyê wezîdefarên darazê ve bêbandor bû" û bal kişand ku malbata Dedeogullari diyar kirin li hemû qadan ewlehiya jiyanê tune ye. 7 kes di encama bicihneanîna erkên wezîfedarên ewlehî û darazê de hatin qetilkirin. Ozum Vurgun, diyar kir ku ev komkujî bi xemsariya rêxistinî pêk hatiye û di berdewamiya axaftina xwe de cih da wan gotinan;

"Dadgerî û dadrêsê ku vê yekê bi wan ve girêdayî ye erkên xwe bi cih neanîne. Piştî vê pêvajoyê, bi bandora çapemeniya alîgir, hewl hat dayîn ku bûyer ne weke êrîşeke nijadperestî, weke dijminatiyek were nirxandin. Ev êrîşên li dijî Kurdan diyardeya şênber a nijadperestiya organîze ne. Di vê pêvajoyê de, organîzasyonên dadrês, dozger, walîtî û wezareta navxweyî ji organîzekirinê berpirsiyar in. Karmendên giştî yên ku berpirsyariyên xwe li gorî rêgezên exlaqî pêk naynin divê îstîfa bikin. Ger di vê pêvajoyê de dev ji kar bernedin divê lêpirsîn li dijî wan bê destpêkirin mijar bê zelalkirin û ev pêkhateya faşîst bê hilweşandin.” 

"Ji bo xerakirina polîtîkaya bêcezakirinê divê xebat bên meşandin" 

Ozum Vurgun diyar kir ku di vê pêvajoyê de berpirsyariya wan ew e ku polîtîkaya bêcezakirinê di rojevê de bihêlin û wiha got: “Divê hemû pêvajoyên hiqûqî yên der barê bêcezakirinê de di dosya û xebatên me de werin bicihkirin û divê em bixebitin ku vê helwestê ji holê rakin. Di warê saziyan de, ji bo civak zana bibe divê were bihêzkirin. Divê em sazî zextê bikin ku bloka serdest dest ji zimanê faşîst ê ku bi kar tîne berde û li wan şîret bike û aştiya civakî misoger bike.

“OHD dê pêvajoyê bişopîne" 

Ozum Vurgun diyar kir ku ew ê di wateya hiqûqî de dosyayê bişopînin û got; “Gotûbêj li ser êrîş û komkujiyan dê bi serlêdana li platformên navneteweyî were nîqaşkirin û em ê hemî piştgiriya wê ya dadrêsî bidin ku ew rewş ne dozek dadrêsî ye û di madeya 77’an TCK’ê de bêne darizandin. Têkildarî êrîşa nijadperest a li Konyayê, navenda me û şaxa Enqereyê roja bûyerê yekser derbasî Konyayê bûn û nirxandinên xwe bi raya giştî re parve kirin. Wek OHD’ê, em ê vê pêvajoyê hem bi riya dadrêsiya navxweyî û hem jî di platformên navneteweyî de bişopînin.”