Stenbol - Di 8’ê Mijdara 2018’an de li Girtîgeha Tîpa F a Ewlehiya Bilind a Îmraliyê li dijî tecrîda girankirî ya li ser Rêberê Gelê Kurd Abdullah Ocalan bi pêşengiya Hevseroka Kongreya Civaka Demokratîk (KCD) Leyla Guven çalakiyên greva birçîbûnê hatibû destpêkirin.

11 Dayikên Aştiyê, Rojnameger Îrfan Tunççelîk û Ûmît Turhan Coşkun ên ku di 10’ê Gulana 2019’an de ji bo piştgirîdayîna grevên birçîbûnê hatin Girtîgeha Jinan a Bakirkoyê, hatin binçavkirin. Rûniştina dawî ya doza ku der barê 13 kesan de bi îdiaya "li dijî qanûna civîn û xwepêşandanê" û "li ser navê rêxistinê bêyî ku endamê rêxistinê bin" li 23'emîn Dadgeha Cezayê Giran a Stenbolê hat vekirin. Di danişînê de parêzer Erman Ozturk û Habat Demîrcan amade bûn.

Beraeta 13 kesan

Dozger di danişînê de nêrîna xwe ya li ser esasê eşkere kir û xwest kesên ku ji ber nebûna hêmanên hiqûqî yên sûc tên darizandin beraet bikin. Piştre parêzerên ku diyar kirin tevlî mutalaayê dibin, daxwaza beraetê kirin.

Heyeta dadgehê biryara xwe ya piştî 10 deqîqe navberê dan rûniştina dozê eşkere kir û diyar kir ku hêmanên hiqûqî yên sûcê îdiakirî tune ne û biryara beraatê ya 11 Dayikên Aştiyê û 2 rojnamegeran da. Biryara qedexeya derve jî hat rakirin.