Silêmanî – Endama Akademiya Jineolojî û Navenda Lêkolînê ya Jineolojiyê Nagîhan Akarsel di 4’ê Cotmehê de li taxa Bextiyarî ya Silêmaniyê di êrişek çekdarî de hat qetilkirin. Li dijî qetilkirina Nagîhan Akarsel helwest û bertekên jinan bê rawestan didomin. Berpirsa yekem a Rêxistina Nêrgiz a jinên Kurd li Almanya Niyaz Caf li dijî qetilkirina Nagîhan Akarsel bertekên xwe anî ziman û got: “Dê li şûna Nagîhanê bi hezaran Nagîhan pêşengiyê bikin.”

 “Nagîhan hewl dida bi mirovan re pêşketinê çêbike”

Berpirsa yekem a Rêxistina Nêrgiz a jinên Kurd li Almanya Niyaz Caf diyar kir ku xwedî derketina li Nagîhan Akarsel bi xwedî derketina li felsefeya Jin, jiyan, azadî gengaz e û wiha got: “Ji bo wê divê jin ji bo ‘Jin Jiyan Azadî’ xebat bikin û xwedî li Nagîhan ku yek ji wan jinan bû ku li ser vê dirûşmê xebat dida meşandin derbikevin. Her dem hewl dida aştî di nava mirovan û jinan de hebe û jin bi pêş bikevin.”

“Bi dehan şopdarên wê hene”

Niyaz Caf bi bîr xist ku bi qetilkirina Nagîhan Akarsel, hêza jinan tune nabe û wiha domand: “Divê dayik girîngiya xebata fikir û têkoşîna jinan fêrî zarokên xwe bikin da ku hişyar bin û xebatê ji bo bidestxistina azadiyê bidin meşandin. Erka hemû jinan ew e ku xebata xwe bi riya Nagîhan Akarsel berdewam bikin, bi awayekî xebatên Nagîhan bigihîjin konfaransên cîhanî. Bi şehîdxistina hevala Nagîhan wê gelek Nagîhanên din derbikevin û xebata azadiya jinan bidin meşandin.”