EMLÎ SELÛM

Dêrazor- Piştî rizgarkirina herêma Dêrezorê, xebatên jinan di çarçoveyek taybet de domiyan, ev yek jî bi Meclisa Rêveber li Dêrezorê (Meclisên Tenfîzî) çêbû û bi demê re bi avakirina meclîsên herêmî, bi hilbijartinên azad û demokratîk ku ji gel û jinan re bi riya rêxistinbûna gelan xebat dida meşandin, karê jinan gelekî berfireh bû.

Rêjeya jinan di saziyên rêveberiya xweseriya demokratîk de digihîje nîvê û pergala hevserokatiyê di her daîre û meclisê de tê sepandin. Kampanyayên hişmendiyê beşdarî zêdebûna beşdarbûna jinan di xebatê de bûne, ji ber ku civîn, semîner, kampanyayên hişyariyê û danişîn hene. Her wiha li gorî kombûna jinên zenûbiya jin ji sedî 70'ê cihê xwe di saziyan de digrin.

Bi civîn û semîneran xebatên jinan ên li çar herêman xurt kirin

Rêvebera Komîteya Jinan a Herêma Rojavayê Dêrazorê Atab Cedan dibêje ku Komîteya Jinan çend civîn û semînerên çandî li dar xistine bi armanca perwerdekirina jinan û başkirina rewşa wan di civakê de, ji bilî rêze Komîteya Jinan a ku vê dawiyê xebatên Komîteya Jinan xurt kirin ku avakirina meclisên herêmî ya li çar herêman li Dêrazorê, rojava, rojhilat, bakur û navendê, xebatên komîteya jinan xurt kirin. 

Atab Cedan anî ziman ku piştî avakirina meclisan, bingeha Komîteya Jinan hatiye berfirehkirin, kadroyên wan zêde bûye û plansaziyên wan ên çalakiyê li ser jinên di civakê de hatin sepandin û di warê piştgirîdayîna jinan, yekbûna refên wan, alîkariya wan de destkeftiyên mezin bi dest xistine.

“Perwerdekirina jinan di nava malbatê de bingehek baş ava kir”

Li ser rola kampanyayên hişmendiyê, wê got ku wan di perwerdekirina jinan de di danûstendina çêtir a di nav malbatê û zarokan de rolek lîst. Jin jî û her wiha pirzewacî ku li Dêrezorê diyardeyeke berbelav e dibe sedema şîdet û bûyerên hevberdanê.

Hevseroka meclisa herêmî ya Hermûşiya Hasina Hussein Al-Issa da zanîn ku karê jinan ji destpêka sala 2018'an ve berfireh bûye û wiha diyar kir: "Ev beşdarbûna jinan girîng e ji ber ku bi azadiya jinan civak azad dibe û berevajî, jin îro li Bakur û Rojhilatê Sûriyeyê  dikarin xwe birêve bibin û bi xebata xwe ez tevkariyê bi hişmendiya jin û civakê re dikim."  

Rêvebera navenda çand û hunerê Kesra Sahar Mistefa dibêje ku di van salên dawî de ji ber şer, adet û kevneşopiyan jin paşguh mane û wiha got: "Jin îro piştî avakirina meclisan beşdarî pêşketina civakê dibin. Di heman demê de ew alîkariya çandî jî dikin piştî ku xebata wan hatibû bisînorkirin û bandora wan tenê li Konseya Rêveber bû."

Sahar Mistefa bi gotinên xwe yên dawî teqez kir ku navenda çandê li Dêrezorê li ser pêşxistina jêhatîbûna jinan di hemû waran de wek mîrate, perwerde û siyasî de dixebite. 

https://www.youtube.com/watch?v=hTxhoeq72_A