Hewreman- Komsay merasîmeke olî û qedîm a gelên Rojhilatê Kurdistan û Îranê ye. Di merasîmê de pez dikin qurbanî, li defê tê xistin û dua tên kirin, xwarineke taybet tê çêkirin û li xelkê tê belavkirin, helbest tên xwendin. Merasîma şikandina kevirekî taybet jî heye ku xelk wek pîroz hildigrin. Merasîma Komsay duh roja 5’ê Gulanê li Hewremanê bi beşdarbûna bi sedan mêvan û pêşengên jinan hat lidarxistin. Di merasîmê de gotar, jenînî şemşal, devjenî û merasîma resen a Komsay hat pêşkêşkirin.

Stranên bi awaza bilûr û tembûrê hatin gotin

Di destpêka merasîmê de peyam hatin xwendin piştre pêşkêşkirina awazên bilûr û tembûrê, bi gotinan bala hemû beşdaran kişand. Jinên ku stranan gotin li gel koma xwe li ser dikê awazên xwe pêşkêş kirin û ew awaz rastî eleqeyek mezin hatin.

Jin bi cil û bergên gelerî merasîmê xemilandin

Berovajî ji ber nebûna jinan li ser dikê, piraniya mêvan û kesên ku beşdar bûne ji jinan pêk dihat. Piraniya wan jinên Kurd, jinên ji pekhateyên cûda bûn û ji hemû bajarên Îranê bi cil û bergên xwe yên xweşik û rengîn beşdarî merasîma Komsay a li Hewramanê bûn, dîmenek xweş û rengîn derket holê.

Pêşangeha berhemên destan

Her wiha di merasîmê de pêşangeha berhemên ku bi destan tên çêkirin, ên herêma Hewramanê û xwarinên Kurdî hat vekirin. Pêşangeh ji çend konan pêk dihat û ev pêşangeh ji aliyê jinan ve rastî eleqeyek mezin hat.