RAJA KHAYRAT

Mexrib – 15’emîn Festîvala Fîlmên Jinan a Navneteweyî ya Salê (FIFFS) ku ji aliyê Komeleya Bouregreg ve bi piştgiriya Meclîsa Kolektîfa Bajarê Salê ya Mexribê tê li dar xistin duh dest pê kir. Festîval dê heta 1'ê Cotmehê bidome. Ji merasîma vekirina festîvalê re, hejmarek mezin ji navdar û rexnegirên Mexribê û navneteweyî beşdarî bûn. Di vekirinê de sê jin hatin rûmetkirin. Lîstikvana Misrî Leyla Elwî kêfxweşiya xwe bi vê şanazî anî ziman û got ku ev eleqe ji bo berdewamkirina kariyera xwe motîveya pêwîst daye.

Bername dewlemend e

Festîval dê di nava vîzyona ya ji tevahî sînemaya Afrîkayê vedibe de mazûvaniyê bike. Li gorî organîzatoran, fîlmên ku ji bo vê rûniştinê hatine hilbijartin dê girîngiya pêşkeftina berdewam û cihêreng a sînemaya Senegalê nîşan bide. Dê nirx û zindîtiya koçberiya ku di navbera Senegal û Fransayê de heye, derxe holê. Festîval, ji bilî sînemaya Senegalê, xwedî bernameyeke dewlemend ku tê de di du pêşbirkên sêwirî û belgefîlman de fîlmên dirêj bên nîşandan û kurtefîlmên jêhatiyê ên ciwanan ên bên nîşandan.

Şaxên xelatan

Xelata Mezin a Festîvalê (Derhênerê Herî Baş), Xelata Juriyê (Derhêner), Xelata Xebata Yekemîn (Senaryo), Xelata Rola Jinê ya Herî Baş, paşê Xelata Belgefîlma Herî Baş (Derhêner), Xelata Temaşevanên Ciwanan ya ji bo Kurtefîlma Mexribê (Derhêner) û di şaxên Xelata Temaşevanên Ciwan ya ji bo Fîlma Dirêj a Mexribê (Derhêner) û Xelata Another Lip ( Di Sînemayê de Karê Herî Wekhev) dê bê dayîn.

Jin hatin pîrozkirin

Di vê rûniştina festîvalê de, di çarcoveya atolyeya nivîskarî de Hasnaa Shehabî ya Mexribî bi romana xwe ya binavê "Gula Pirteqalê", Aisha Amour bi romana xwe ya binavê "Di Reş û Spî de Jiyan” û mîmar Yasmîna El-Subaihî jî bi pirtûka xwe ya bi navê "Rêya Xwedayên Baş Ya Li Mexribê " hatin pîrozkirin.

Merasîma vekirinê bi nîşandana fîlma "welatê mêvan (Senegal)" ya derhêner Matti Diop ku di Festîvala Navneteweyî ya Cannesê de xelata Grand Prix û di Festîvala Kartacayê de jî xelata "Tanita Zêrîn" wergirt bi dawî bû.