Helebce – 10’emîn Mihrîcana Hinar û Payîzê ya Helebce di 31’ê Cotmehê de destpêkir. Îro roja dawî ya mihrîcanê ye ku her sal di werza gihana Hinarên Helebce de tê li darxistin û berhemên hinar û xwarinên kurdewarî, berhemên navxweyî, karê destê jinan û gelek berhemên din tê de tên pêşandan.

Her sal bi deh hezaran kes serdana mihrîcanê dikin. Ev 10 sal e ev mihrîcan berdewam dike û derfetek baş ji bo jinan ava dike ku jin bikarin berhem û karên xwe bidin nasin û bazar û firotina karê xwe bikin.

Ji bo jinan derfetê bazarê ava kir

Pirşeng Xefûr ku bi sîrkeya sêvên çiya beşdarî mihrîcan bûye wiha got: “Ev şeş sal e ez ji bajarê Silêmanî têm beşdarî mihrîcanê dibim û berhemên xwe pêşan didim. Berhemên min ji sîrkeya sêvan û sîrkeya hingiv pêk tê. Em Helebce weke bajarê xwe dibînin û her sal beşdarî mihrîcanê dibin. Berhemên min berhemên kurdewarîne û mihrîcan ji bo nasandina berheman girîng e. Her sal geştiyar tên û tevahî berheman lê vê derê dibînin.”

Çiya Ezîzî ku ji bo nasandina marqeya Çaya Sedaldîn beşdarî mihrîcanê bûye wiha got: “Ji bo reklam û nasandina çayê em beşdarî festîfalê bûne û nasandina ji bo berhemên me yên din. Çaya me baş tê firotin di mihrîcanê de.”

Bala geştiyaran dikşîne

Mihrîcana Hinar û Peyîzê ya Helebce ya di 31’ê Cotmehê de destpê kir û sê rojan berdewam kir 700 xwedî berheman beşdar bûn. Her sal bi deh hezaran geştiyar serdana mihrîcanê dikin û li gora daneyên rêveberiya geşt û guzarên Helebce parvekirî, tenê di roja yekem de 80 hezar geştiyar û di rêjê dûyem de 110 hezar û geştiyar berê xwe dan bajarê Helebce û beşdarî 10’emîn Mihrîcana Hinar û Peyîzê ya Helebce bûne.